ភ្នំពេញ : ថ្ងៃចន្ទ ទី៣១ ខែឧសភា ឆ្នាំ២០២១ លោក ខៀវ កាញារីទ្ធ បាននិយាយថា "ទីក្រុងភ្នំពេញបានក្លាយជារាជធានីមួយដែលបានចាក់វ៉ាក់សាំងបង្ការជំងឺកូវីដ-១៩ ជូនដល់ប្រជាពលរដ្ឋបានច្រើនជាឱកាសសម្រាប់ការរៀបចំកិច្ចប្រជុំជាអន្តរជាតិផ្សេងៗ ដែលកម្ពុជាធ្វើជាម្ចាស់ផ្ទះនៅពេលខាងមុខ។

នៅក្នុងឱកាសនៃកិច្ចប្រជុំសាមញ្ញប្រចាំសប្តាហ៏ថ្នាក់ដឹកនាំក្រសួងព័ត៌មាន លោក ខៀវ កាញារីទ្ធ បានលើកឡើងពីការត្រៀមរបស់ក្រសួងព័ត៌មាន ក្នុងការចូលរួមរៀបចំកិច្ចប្រជុំកំពូលអាស៊ី អឺរ៉ុប ASEM លើកទី១៣ ដែលគ្រោងនិងធ្វើឡើងនៅថ្ងៃទី២៥ និង ២៦ ខែវិច្ឆិកា ឆ្នាំ២០២១ ខាងមុខនេះ។ 

លោករដ្ឋមន្ត្រី បានបញ្ជាក់ទៀតថាការដែលជួបប្រជុំប្រចាំសប្តាហ៏នេះឡើងវិញ ដោយសារថ្នាក់ដឹកនាំនិងមន្រ្តីរាជការក្រសួងព័ត៌មាន បានចាក់វ៉ាកសាំងបង្ការជំងឺកូវីដ-១៩ បានគ្រប់គ្នារួចហើយក៏ប៉ុន្តែយើងទាំងអស់គ្នានៅប្រកាន់ភ្ជាប់តាមវិធានការណ៏និងការណែនាំរបស់ក្រសួងសុខាភិបាលនិងប្រមុខរាជរដ្ឋាភិបាល (៣កុំ៣ការពារ) ។

កិច្ចប្រជុំប្រចាំសប្តាហ៏ដែលធ្វើឡើងក្រោមអធិបតីភាព លោករដ្ឋមន្រ្តី ខៀវ កាញារីទ្ធ បានធ្វើការពិនិត្យលើវឌ្ឍនភាពការងាររបស់បណ្តាអគ្គនាយកដ្ឋានទាំង៥ ចំណុះអោយក្រសួងព័ត៌មាន រួមទាំងផ្នែកពាក់ពន្ធ័ទាំងការងារជាតិនិងទំនាក់ទំនងអន្តរជាតិ សម្រេចអនុវត្តន៏បានក្នុងរយះពេលកន្លងមកនេះរួមទាំងបញ្ហាប្រឈមនានា ពិសេសទាក់ទងជំងឺកូវីដ-១៩។

^{ប្រភព : អគ្គនាយកដ្ឋានទូរទស្សន៍ជាតិកម្ពុជា}